Kiša vre v jutro je rosila,
listje i zadnje još nosila.
Kaj pripoveda to lugu,
koju sad tuži mu tugu?
Skriva se dan za daljinami,
megla suzi nad kupinami.
Grobje je v cvetu i belo,
još v katarinčicah celo.
Al i po vrtih vsih cveteju,
same vu vence se pleteju.
Kakti, da grobje vse bliže
ide med sela i hiže.
Kiša bu padati prestala,
zemlja bu v suncu pak ostala.
Skoro i sive te megle
budeju spati se legle.
Polje bi rado se zgrejati,
srce bi štelo se smejati.
Vsakom živlenja je milo,
če i bogečko bilo!
Zbirka: Po dragomu kraju
Objavljeno: 1933.